Shree Bal Byabasayee Kendra
School
Shree
Bal Byabasayee Kendra
School
श्री बाल व्यवसायी केन्द्र माध्यमिक विद्यालय काठमाण्डौ महानगरपालिका वडा नं. ७, सिफलमा अवस्थित एक सामुदायिक विद्यालय हो । नेपाल बाल संगठनको आफ्नै पहल र स्वामित्वमा रहेको घर जग्गामा बाल संगठनमा आश्रय लिई रहेका बालबालिकाहरुलाई शिक्षा प्रदान गर्ने उद्देश्यले स्थापना भएको यस विद्यालयमा हाल देशका विभिन्न जिल्लाहरुबाट काठमाण्डौ आई आफ्नो श्रम परिश्रममा जीवन निर्वाह गर्ने श्रीमिकका छोराछोरी, विपन्न समुदायका नागरिक र सिकाइमा समस्या भएका बालबालिकाहरुलाई लगायत अपाङ्गता र श्रवण-दृष्टिविहिन भएका बालबालिकाहरुलाई गरी झण्डै ४०० भन्दा बढी विद्यार्थीहरु अध्ययन गरिरहेका छन् । सोही आधारमा विद्यालयको नाम श्री बाल व्यवसायी केन्द्र रहन गएको विद्यालयको ऐतिहासिक पृष्ठभूमिबाट देखिन्छ ।
विद्यालयको दृष्टिकोण गुणस्तरीय शिक्षाका लागि प्रविधिको उच्चतम प्रयोगमा जोड दिँदै अधिकतम सिकाइ उपलब्धि हासिल गर्न उपयुक्त अनुकूलतासहितको वातावरण सिर्जना गर्नु हो।
विद्यालयको मुख्य उद्देश्य शिक्षण–सिकाइ क्रियाकलापलाई थप सुधार गरेर बालबालिकाको सिकाइ उपलब्धि दर अपेक्षित रूपमा वृद्धि गर्नु हो। साथै, आधारभूत र माध्यमिक तहको नतिजामा उल्लेख्य सुधार गर्नु, गुणस्तरीय शिक्षाका लागि स्तरीय र उपयुक्त कक्षा कोठाको अवधारणा लागू गर्नु, र अतिरिक्त क्रियाकलापहरूलाई सिकाइसँग जोड्दै विद्यार्थीहरूको रुचिअनुसार सहभागितामा वृद्धि गर्नु पनि यसको उद्देश्यहरूमा पर्छ।
