प्रस्तुत विद्यालय विकास प्रस्तावलाई विद्यालय व्यवस्थापन समितिको आवश्यक सुझाव र परामर्शमा लागू गरिनेछ।

यसको कार्यान्वयन पश्चात् निम्नअनुसारका अपेक्षित उपलब्धिहरू हासिल हुने अपेक्षा गरिएको छ। विद्यालयमा हुने शिक्षण–सिकाइ कार्यक्रम उल्लेख्य रूपमा सुधार गर्नेछ, जसले गर्दा सिकाइमा समस्या भएका, अपाङ्गता भएका र श्रवण तथा दृष्टिविहीन बालबालिकाहरूलाई उपयुक्त अनुकूलतासहितको कक्षा व्यवस्थापन र अपाङ्गता तथा बालमैत्री वातावरण कायम हुनेछ। बालबालिका तथा अपाङ्गतासमेतको कक्षाकोठा र विद्यालय वातावरण सुनिश्चित गरिनेछ। विद्यार्थीहरूलाई अंग्रेजी र नेपाली दुबै माध्यमबाट गणित, विज्ञान, कम्प्युटर जस्ता विषय गुणस्तरीय र प्रभावकारी ढंगबाट अध्ययन गर्ने अवसर प्राप्त हुनेछ। विद्यालय शिक्षामा सबै बालबालिकाको सहज रूपमा पहुँच वृद्धि हुनेका साथै सिकाइ उपलब्धि वृद्धि हुने छ। शैक्षिक गुणस्तरमा सुधार आउने र बीचमै कक्षा छोड्ने तथा दोहोर्‍याउने दरमा कमी आउने अपेक्षा गरिएको छ।